Бир ўртоқлик учрашуви 2 миллион евро! Криштиану Роналду, Кака, Бензема, Игуаин, Ди Мария, Касильяс каби юлдузларни ўзида жамлаган Мадриднинг "Реал" клуби ўртоқлик учрашуви ўтказиш билан таклифи билан чиққан клубдан 2 миллион евро талаб қилди.
''La Tribuna de Honduras'' газетасининг ёзишича, Гондураснинг "Олимпия" клуби ўзининг 100 йиллик юбилейини нишонламоқда. Клуб раҳбарияти тўй тўдек ўтсин деган мақсадда "қироллик клуби"га ўртоқлик учрашуви ўтказиш талаби билан чиққан, мадрдиликлар талаб этган суммани эшитиб ҳушидан кетаёзишди. Хуллас, "Реал Мадрид" талаблари қуйидагича бўлган:
- 2 миллион евро, нақд пул, пластик ўтмайди;
- Учрашувдан олдин 5 нафар футболчи матбуот анжумани ўтказиши шарт;
- Клубнинг 4 та расмий ҳомийсини ўйин пайтида реклама қилиш;
- Ўқув-машғулот майдони ва ўйин бўладиган майдон табиий чимли бўлиши керак;
- 50 first class ўриндиқли чартер йўналишли парвоз;
- 5 юлдузли меҳмонхона;
- 3 "Лиммузин";
- 2 та минибус.
Гондурас клубидан ташқари Гватемала ва Коста Риканинг бир қатор клублари ҳам мадридликларга таклиф билан чиқиши кутилаяпти.
