Евро-2020 доирасидаги Швеция - Словакия учрашувидан (1:0) кейин қайд этилган статистикалар билан танишинг.
Швеция терма жамоаси 2021 йилда 7 ўйин ўтказиб мағлубиятга учрамади — 6 ғалаба, 1 дуранг.
Эмил Форсберг Европа чемпионатларида охирги 9 йил ичида гол урган илк швециялик футболчи бўлди. Евро-2016 мусобақасида шведларнинг ягона голи автогол сифатида қайд этилганди. Евро-2012да Себастян Ларссон Франция дарвозасига гол урган эди.
Швеция Европа чемпионатларида 26 гол урган ва уларнинг 23таси иккинчи бўлимда киритилди.
Словакия Евродаги охирги 6 ўйинда фақат бир маротаба дарвозасидан тўп олиб чиқмади.
Швеция ва Словакия ўзаро олтинчи бор учрашишди ва шведлар 3 марта ғалаба қозонди, уч ўйинда дуранг қайд этилди.
