Ўзбекистон – Австралия (2:0) ўйинидан кейин ўтказилган матбуот анжуманида Аурелио Видмар шошаётганини баҳона қилиб, дарҳол савол-жавобларга ўтишни илтимос қилди. 

- Бугунги ҳакамлик ҳақида нима дея оласиз?
- Кўп нарса айта олмайман.

- Агар кўп нарса айта олмасангиз, унда ўйиндан кейин шогирдларингизнинг ҳакамга ташланишганига қандай изоҳ бера оласиз?
- Жамоамиз урган 2 та гол нима учун инобатга олинмаганидан ҳайратдаман.

- Нима учун бугун Австралия ютқазди?
- Жавоб оддий: Ўзбекистон 2та гол урди ва биз гол ура олмадик.

- Гуруҳдаги имкониятни сақлаш қолиш учун Ироқ-БАА ўйинида қандай ҳисоб қайд этилишини истардингиз?
- Албатта, у ўйинда дуранг натижа қайд этилса, биз учун яхши бўларди. Шунда кейинги ўйинда БААни мағлубиятга учратсак, бизда ҳам яхши имконият ҳосил бўларди. Лекин БАА билан ўйин қийин бўлишини тахмин қилиш қийин эмас.

- Об-ҳавонинг мағлубиятга сабаби қай даражада бўлди?
- Об-ҳаво фақатгина бизга эмас, об-ҳаво мезбонларга ҳам салбий таъсир кўрсатди. Бугун нафақат ҳаво совуқ эди, балки майдоннинг аҳволи ҳам яхши эмасди. Бундай майдон футбол ўйнаб бўлмайди. Бундай майдонда фақат коньки учиш мумкин. Лекин натижа биз учун салбий бўлди.

- Майдоннинг ҳолати фақат Ўзбекистон учун салбий таъсир кўрсатди, деган фикрга қўшиласизми?
- Йўқ, қўшилмайман.