Олимпиада-2012 Осиё саралашидан ўрин олган Сурия ва Япония терма жамоалари ўртасидаги учрашув якунига етди. Унда суриялик футболчилар 2:1 ҳисобида ғалаба қозонишди.

Учрашувда ҳисоб 19-дақиқада Муҳаммад Фарис томонидан очилган бўлса, биринчи бўлим якунланиши арафасида Кенсуке Нагаи ҳисобни тенглаштиришга муваффақ бўлди. Аммо японлар барибир мағлубият қочиб қутула олишмади. 90-дақиқада Аҳмад ас-Солиҳ томонидан киритилган гол Сурия олимпия терма жамоасига Олимпиада-2012 3-саралаш раундидаги учинчи ғалабани туҳфа этди.

Ушбу ғалабадан сўнг Ҳайтам Жатал шогирдлари очколар сонини 9га етказиб, Япония билан тенглашиб олишди ва Лондон Олимпиадаси йўлланмасини қўлга киритишга яхши имконият ҳосил қилишган. Қайд этиш жоиз, ушбу икки терма жамоа ўртасидаги Японияда бўлиб ўтган баҳсда ҳам айнан 2:1 ҳисоби қайд этилган, Юки Отсу томонидан 86-дақиқада киритилган гол японларга ғалаба келтирганди.

“С” саралаш гуруҳидан ўрин олган иккинчи учрашув Баҳрайн ва Малайзия терма жамоалари ўртасида бўлиб ўтади. Ўйин 5 февраль, якшанба куни, Тошкент вақти билан 20:30да бошланади.

Олимпиада-2012 Осиё саралаш
3-саралаш босқичи
4-тур учрашуви

СУРИЯ – ЯПОНИЯ 2:1 (1:1)
Голлар: Муҳаммад Фарис (19), Аҳмад ас-Солиҳ (90) — Кенсуке Нагаи (45).