Италиянинг «Фиорентина» клуби «Спартак» собиқ устози Доменико Тедескони жаома бош мураббийлиги лавозимига таклиф қилмоқчи.
Бу ҳақда Италия матбуоти хабар бермоқда. Женнаро Гаттузо бир кун олдин жамоани тарк этганди, у атиги уч ҳафта давомида «бинафшаранглилар»нинг устози сифатида иш олиб борди.
Бундан ташқари, «Специя» ҳам Тедеско хизматларига қизиқиши билдирган. Қизиғи шундаки, «Специя»нинг ҳозирги устози Винченцо Монтелла ҳам «Фиорентина» бош мураббийлиги учун асосий даъвогар ҳисобланади.
Аввалроқ Тедеско номзоди «Верона» томонидан кўриб чиқилгани ҳақида хабар берилган эди.
