Про лига 13-турининг марказий ва драматик кечган қарама-қаршилиги Самарқандда «Динамо» ва «Хоразм» ўртасида кечди.

Учрашувда ҳисоб мезбонлар вакили Сирож Мелиев томонидан очилган бўлса, бўлим якуни – 45 ва 45+1-дақиқада Рўзимбой Аҳмедов хатодан унумли фойдаланиб, танаффусга жамоасини ғолиб сифатида олиб чиқди. 53-дақиқада яна ўша Рўзимбой Аҳмедов катта саҳнага чиқиб, ҳисобни 1:3га етказди.

60-дақиқада Сирож Мелиев дублга эришиб, ҳисобни 2:3га етказгач, ўйингоҳда электр узилиши кузатилиб, бош ҳакам ўйинни 15 дақиқага тўхтатиб қўйди.

Муаммо бартараф этилгач, Ҳаким Фузайлов жамоаси ҳужумкорликни оширди. Натижада 81-дақиқада Шохруҳ Абдураҳмонов ўзи ишлаган пенальтини голга айлантирган бўлса, 90+1-дақиқага келиб, тинимсиз ҳужумларни Дмитро Сидоренко голга айлантириб, камбэк билан стадионни ларзага келтирди – 4:3.

Про лига. 13-тур
27 июнь (якшанба)
«Динамо» - «Хоразм» - 4:3
Ҳакам: Рустам Чориев
Голлар: Сирож Мелиев 6, 60, Шоҳрух Абдураҳмонов 81 пен., Дмитро Сидоренко 90+1 - Рўзимбой Аҳмедов 45, 45+1, 53.
«Динамо»: 1. Фарҳод Раҳматов (Аслон Аҳроров, 46), 2. Дмитро Сидоренко, 7. Шохруҳ Абдураҳмонов, 9. Темур Усмонов (Темур Исмоилов, 70), 14. Сирож Мелиев, 15. Обид Жўрабоев, 19. Ислом Шарипов, 22. Ғолиббек Сарибоев, 26. Комил Шарофутдинов (Жасур Ҳасанов, 46), 77. Сардор Эминов, 88. Олег Марчук (Муҳаммадқодир Ҳамралиев, 46).
«Хоразм»: 35. Ғайрат Ўдаев, 4. Жасур Отажонов, 6. Фаррух Ҳайдаров, 8. Сардор Жаҳонов, 9. Маъруфхўжа Муродов, 14. Элёр Мамасолиев, 19. Ҳабибулла Матёқубов, 21. Миржалол Қурбонов, 22. Рўзимбой Аҳмедов, 88. Аброр Хусинов, 89. Абдулҳолиқ Қурбонов.