Лондоннинг "Арсенал" клуби "Торино" ва Италия терма жамоаси ҳужумчиси Андреа Белоттига қизиқиш билдирмоқда, деб хабар беради Tuttosport.
Манбанинг хабарига кўра, инглиз клуби ёзги трансферлар вақтида футболчи сотиб олиш вариантини кўриб чиқмоқда. "Канонирлар" ҳужумчи учун 34 миллион евро тўлашга тайёр.
Аввалроқ Белоттига "Милан" ва "Рома" жамоалари ҳам қизиқиш билдираётгани хабар берилган эди.
Ўтган мавсумда 27 ёшли Белотти "Торино" таркибида 36 учрашув ўтказди, 13 гол урди ва 7 голга узатма берди. Унинг Турин клуби билан шартномаси 2022-йилнинг ёзигача амал қилади.
