Португалия терма жамоаси ҳимоячиси Рубен Диаш Европа чемпионати 1/8 финалидаги Бельгияга қарши ўйин тўғрисида билдирди. Бу ҳақда «Record» хабар берди.
Диаш жамоанинг ғалабага лойиқ бўлганини таъкидлади:
«Бундай ўйин кўрсатиб мусобақани тарк этиш аламли. Наилож, бир жамоа ғалаба қозониши керак, бошқаси эса — мағлуб бўлиши. Иккинчи таймда яққол устунлик қилдик, гол уриш учун кўплаб имкониятлар яратдик. Aммо тўп дарвозага киришни хоҳламади. Биз бошимизни юқори тутган ҳолда мусобақани тарк этдик».
Эслатиб ўтамиз, Португалия терма жамоаси Евро-2020 нимчорак финалида Белгьияга 0:1 ҳисобида имкониятни бой берди. Чорак финалда Бельгия Италия билан тўқнашади.
