Евро-2020 мусобақасининг чорак финал жуфтликлари маълум бўлди. Чорак финал учрашувлари 2 ва 3 июль кунлари ўтказилади.

Биз ҳозирга қадар қайд этилган статистикаларни тақдим этамиз.

* Евро-2020 мусобақасида жами 51 ўйин ўтказилади. Шулардан 44 таси якунланиб бўлди.

* Шу пайтгача мусобақада 123 гол киритилди. Бу ҳар бир ўйинга ўртача 2.8 гол дегани ёки бўлмаса ҳар 32 дақиқада битта гол урилмоқда.

* Голларнинг энг кўп киритилган даври 46-60 дақиқаларга тўғри келади (26 гол). Иккинчи ўринда 76-90 дақиқалар оралиғида киритилган голлар (23 гол).

* Энг кўп гол урган жамоалар рўйхатида Испания терма жамоаси етакчилик қилмоқда. "Қизил фурия" Хорватия билан бўлган драматик баҳсла экстра-таймлар билан ҳисоблаганда 5 та гол уришди ва умумий голлар сонини 11 тага етказиб олишди.

1. Испания - 11 гол
2. Италия ва Дания - 9 гол
4. Нидерландия ва Бельгия - 8 гол
6. Хорватия, Португалия, Франция, Швецария - 7 гол

* Тўпга эгалик қилиш бўйича ҳам Испания терма жамоаси етакчилик қилмоқда (67.5 фоиз). Иккинчи ўринда мусобақа билан хайрлашган Германия термаси. Лёв шогирдлари ҳар бир ўйинда ўртача 59.3 фоиз тўпни назорат қилишган.

1. Испания - 67.5 фоиз
2. Германия - 59.3 фоиз
3. Италия - 56.3 фоиз
4. Дания - 56 фоиз
5. Нидерландия - 54.8 фоиз
6. Бельгия - 54.3 фоиз

* Узатмалар аниқлиги борасида "немис машинаси" пешқадам. Терма жамоанинг узатмалари 89.3 фоиз аниқликда манзилга етиб борган. Иккинчи ўринларда эса Испания ва Франция жамоалари боришмоқда (89 фоиз).

1. Германия - 89.3
2. Франция - 89
2. Испания - 89
4. Португалия - 88.5
5. Италия - 88
6. Бельгия - 87.8

* Шу пайтга қадар рақиб жамоа дарвозаси томон уринишлар бўйича Италия терма жамоаси яққол ажралиб турибди. "Скуадрадзурра" 87 маротаба рақиблар томон уринишларни амалга оширган.

1. Италия - 87
2. Дания - 77
3. Испания - 68
4. Швецария - 60
5. Франция - 57
6. Нидерландия - 53

* Рақибдан тўпни олиб қўйиш кўрсаткичига кўра Австрия терма жамоаси биринчи ўринда турибди. Давид Алаба етакчилигаги жамоа 4 ўйинда рақибларидан жами 207 марта тўпни олиб қўйишга муваффақ бўлган.

1. Австрия - 207
2. Ниидерландия - 201
3. Дания - 187
4. Украина - 185
5. Чехия - 184
6. Испания - 165

* Энг кўп сэйв амалга оширган терма жамоалар ўртасида Уэльс (4 ўйинда) ва Туркия терма жамоалари (3 ўйинда) ҳукмронлик қилишмоқда - 18 сэйв.

1. Уэльс - 18
1. Туркия - 18
3. Шимолий Македония - 14
3. Финландия - 14
5. Украина - 13
6. Бельгия - 12

* Мусобақа давомида бирорта тўп ўтказиб юбормаган Англия табиийки энг кўп қуруқ ўйин ўтказиб келаётган терма жамоа саналади (4 ўйин).

1. Англия - 4
2. Италия - 3
2. Бельгия - 3
4. Нидерландия - 2
4. Чехия - 2
4. Швеция - 2

* Айни пайтда мусобақа тўпурари бўлиб турган Криштиану Роналду ҳисобида 5 гол бор. Уни Чехия термаси ҳужумчиси Патрик Шик таъқиб қилмоқда.

1. Криштиану Роналду - 5
2. Патрик Шик - 4
2. Карим Бензема - 4
2. Эмиль Форсберг - 4
5. Роберт Левандовски - 3
5. Ҳаррис Сеферович - 3

* Швецария термаси аъзоси Зубер 4 ассист билан мусобақанинг энг яхши ассистенти бўлиб турибди. Уни Дания ярим ҳимоячиси Хойберг таъқиб қилиб келмоқда.

1. Зубер - 4
2. Хойберг - 3
3. Кулушевски - 2
3. Пау Торрес - 2
3. Ольмо - 2
3. Мален - 2