«Мен барча футболчилар билан суҳбатлашдим, уларни терма жамоага жалб қилиш имкониятларини муҳокама қилдим ва ҳамма Олимпия ўйинларида иштирок этишни орзу қилишларини таъкидладилар», деди Испания ёшлар терма жамоаси мураббийи Луис де ла Фуэнте. Бу ҳақда "Cadena Ser" нашри маълум қилмоқда.

Хабарларга кўра, "Барселона" Испания футбол федерациясидан 18 ёшли футболчини Олимпиададан озод қилишни сўрамоқчи. Де ла Фуэнте эса бу борада бошқача фикрда.

»Ишончим комилки, "Барселона" Педрини Олимпиадада иштирок этишни тақиқламайди, биз аҳмоқ эмасмиз, таваккал қилмаймиз«, - дея қўшимча қилди мутахассис.

Педри ўтган мавсумда "кўк-анорранглилар" сафида 52 ўйин ўтказди. Ярим ҳимоячи шу кунгача Испаниянинг Евродаги 4 та ўйинида ҳам иштирок этди.