Мадриднинг "Реал" клуби ва Германия терма жамоаси ярим ҳимоячиси Тони Кроос миллий терма жамоадаги фаолиятини якунлашини эълон қилди.

Германия терма жамоасида 106 ўйин ўтказдим. Албатта, мен 109-ўйинни ҳам ўтказиб, Европа чемпионатида ғолиб чиқишни хоҳлардим. Мазкур мусобақадан кейин кетиш тўғрисида қарорни узоқ вақт олдин қабул қилганман, чунки мен учун Жаҳон чемпионатига йўл ёпиқлигини тушунаман. Асосий сабаб: Бор эътиборимни клубдаги фаолиятимга қаратмоқчиман, яқин келажакда "Реал"га имкон қадар кўпроқ соврин ютишида ёрдам беришни хоҳлайман. Бундан ташқари, дам олишга вақтим бўлади, қўшимча танаффус қилишим мумкин. Охирги 11 йил ичида бунга имконим йўқ эди. Мени қўллаб-қувватлаган барчага раҳмат. Мени ажойиб футболчи, жаҳон чемпиони қилган Йоахим Лёвга алоҳида миннатдорчилик билдираман.

Эслатиб ўтамиз. 29 июнь куни Германия турнирнинг 1/8 финалида Англияга ютқазиб (0:2), Евро-2020 турнирини тарк этди.