Миш-мишлар бўйича "Тоттенхем" ҳимоячиси Тоби Алдервейрелд "шпорлар" раҳбариятига ёзда жамоани тарк этмоқчи эканлигини айтган.
32 ёшли бельгиялик "Тоттенхэм"га 2015 йилда "Атлетико"дан келиб қўшилган. Ўшандан бери у Лондон клуби сафида 236 ўйин ўтказиб, 9 та гол ва 5 та голли узатмани амалга оширган.
The Athletic нашри хабар беришича, футболчи аллақачон ўзига янги жамоа қидирмоқда. Унинг "шпорлар" билан шартномаси 2023 йилнинг ёзигача мўлжалланган.
Қайд этилишича, Алдервейрелд учун қулай жамоалардан бири, унинг туғилган шаҳри клуби "Антверпен" бўлиши мумкин.
