Мавусмга тайёргарликнинг иккинчи босқичини Туркияда давом эттираётган Тошкентнинг "Пахаткор" клуби эртага режадаги навбатдаги ўртоқлик учрашувида майдонга тушади. Деян Журжевич шогирдларининг бу сафарги спарринг рақиби Қозоғистоннинг «Тараз» клуби бўлади. Бу ҳақда клуб расмий сайти хабар тарқатмоқда.

Мазкур баҳс Анталиядаги Адора машғулот майдонида бўлиб ўтади. Ҳозирча учрашувнинг бошланиш вақти белгиланманган. "Бугун Анталияда ноодатий об-ҳаво шароити ҳукмрон. Эрта тонгдан бошланган кучли шамол ҳамон тингани йўқ", дейилади берилган хабарда.

Бевосита жамоа лагеридаги хабарларга тўхталадиган бўлсак, уч кун давомида якка тартибда машғулот ўтказган Кахи Махарадзенинг кечадан бошлаб умумий гуруҳга қўшилганлигини алоҳида таъкидлаб ўтиш мумкин. Аксинча, афсуски Темур Жўраевнинг соғлиғи билан бироз муаммо юзага келган. Машғулотлар давомида микрожароҳат орттириб олган дарвозабон 3 кундан бери машғулотларни ўтказиб юборишга мажбур бўлмоқда.