«Ливерпуль» ва «Арсенал» клублари «Лилл»нинг португалиялик яримҳимоячиси Ренату Санчешга қизиқиш билдирмоқда, дея хабар бермоқда L’Equipe.
Манбага кўра, инглиз клублари ёзги трансферлар вақтида футболчини сотиб олишни ўйламоқда. Ренату Евро-2020да яхши натижа кўрсатди ва топ-клубларнинг эътиборини тортди. «Лилль» португални сотишга тайёр, чунки у молиявий муаммоларни бошдан кечирмоқда.
Ўтган мавсумда 23 ёшли Санчеш «Лилль» сафида барча мусобақалар доирасида 29 та ўйин ўтказиб, битта гол урди ва тўртта голли пас берди. Унинг клуб билан шартномаси 2023 йилнинг ёзигача амал қилади.
