"Барселона" футболчилари Миралем Пьянич ва Самуэль Умтити жамоани тарк этишлари мумкин.
Манбанинг хабарига кўра, Каталония клуби футболчилар билан шартномани бекор қилмоқчи ва уларга аллақачон бу ҳақида хабар берган. "Кўк-анорранглилар" раҳбарияти Лионель Месси билан шартномани узайтириши учун клубнинг молиявий холатини яхшилашни мақсад қилган.
Қолаверса, "Барселона" бош мураббийи Рональд Куман фақат ўзи билан ишлайдиган футболчиларни сақлаб қолмоқчи. Аммо, таъкидланишича, Умтити жамоани тарк этмоқчи эмас ва мутахассисга мавсумолди йиғинларда жамоада ўз ўрнига муносиб эканлигини исботламоқчи. Пьянич ҳам ҳали кетиш таклифини қабул қилмади. Босниялик биринчи навбатда трансфер бозорини кўздан кечирмоқчи. Айни пайтда Миралемга "Ювентус", "Интер" ва "ПСЖ" қизиқиш билдирмоқда.
