Англия терма жамоасининг собиқ футболчиси Гари Линекер Аргентина сардори ва ҳужумчиси Лионель Мессининг Америка кубогида кўрсатаётган ўйинлари ҳақида гапирди.
"Америка кубогида Мессидан яна бир жарима зарбаси. 4 та гол, 4 та голли узатма. Месси шунчаки Месси", - деб ёзди Линекер ўзининг твиттер саҳифасида.
Эслатиб ўтамиз, Месси кеча Америка кубоги чорак финалида Эквадор терма жамоаси дарвозасига мазкур мусобақадаги ўзининг иккинчи жарима зарбасидан голини урди. У турнирнинг энг яхши тўпурарлари рўйхатида биринчи ўринда туради.
Ярим финалда Аргентина Колумбияга қарши ўйнайди.
