Цюрих: Лондон олимпиадаси учинчи саралаш босқичи турнирида Ироқ терма жамоаси 27 ноябрда БААга қарши ўйинда майдонга тушиш ҳуқуқига эга бўлмаган ўйинчи хизматидан фойдалангани учун ФИФА томонидан БАА олимпия терма жамоаси 3:0 ҳисобидаги ғалаба тортиқ қилинди.
«В» гуруҳи 3-тур учрашувида Ал-Айндаги «Шай Халифа халқаро» стадионида Ироқ терма жамоаси 0:2 ҳисобида ғалаба қозонган эди. Бироқ, ироқликлар таркибида иккита сариқ карточкага эга бўлган Жасим Файсал майдонга тушган.
ОФК Кубоги-2011 чорак финалчиси бўлмиш Ироқнинг «Дуҳок» клуби футболчиси биринчи карточкасини саралашнинг II босқичида Эрон терма жамоасига қарши ўйинда олган бўлса, иккинчи огоҳлантириш унга 22 ноябрда, Австарлияга қарши ўйинда кўрсатилган эди. Шу сабабли у 27 ноябрда БААга қарши сафарда кечадиган ўйинни ўтказиб юбориши лозим бўлган.
ФИФА тартиб-интизом кодексининг 55-моддасига зид бўлган бу ҳолатга йўл қўйгани учун Ироқ Футбол ассоциацияси 7000 швейцария франки (7600 АҚШ доллари) миқдорида жарима ҳам тўлайди.
Энди «В» гуруҳида Ироқ терма жамоаси бисотида 1 очко қолди ва улар Австарлияликлар 3 очко билан 3-ўринга кўтарилиб олишди, БАА терма жамоасининг эса очколари сони 8 тага етди ва барча кўрсаткичлар бўйича Ўзбекистон олимпия терма жамоасига етиб олди.
