Европа чемпионатининг ярим финал баҳсидаги Англия - Дания учрашувидан сўнг, инглизларнинг футбол ассоциациясини 30 минг евро миқдорида жаримага тортди. Бу ҳақда УЕФА матбуот хизмати хабар бермоқда.
Англия футбол ассоциациясига Данияга қарши ўйинда юз берган учта воқеа учун ушбу жарима белгиланган.
УЕФА ассоциацияни асосан, инглиз мухлисларининг хатти-ҳаракатлари учун жазоланлиги айтиб ўтилган. Уларнинг баъзилари ўйин бошланишидан олдин Дания мадҳиясини бузиб ижро этишган, яна бир ҳолатда эса англиялик фанатлар трибуналарда машъалаларни ёқишди. Шунингдек, мухлислар 104 дақиқада белгиланган пенальти вақтида Дания терма жамоаси дарвозабони Каспер Шмейхелнинг юзига лазер нурларини қаратишганлиги сабаб қилиб кўрсатилган.
