«Парма» дарвозабони Жанлуиджи Буффон Евро-2020 финалида бўлиб ўтадиган Италия ва Англия терма жамоалари ўртасидаги баҳс олдидан ўз фикрини билдириб ўтди.

«Италия учун жуда қийин ўйин бўлади. Англия таркибида ажойиб ўйинчилар кўп. Аммо бу ҳолат мени хавотирга солмайди. Чунки, босим асосан майдон эгаларига тушади. Англия ўз уйида, ўз мухлислари қаршисида ўйнайди. Шу боис, улар бу учрашув орқали Италияга нисбатан кўпроқ нарса йўқотишлари мумкин.

Биринчи голни уриб олиш муҳим аҳамиятга эга, кўп нарса учрашувнинг дастлабки дақиқаларига боғлиқ.

Ўйлашимча, Италия ғалаба қозонади. Аммо Англиянинг мудофаасини инобатга олганда, қийин бўлади. Шунингдек, бундай даражадаги ўйинларда ҳамиша асаблар роль ўйнайди. Ким хотиржамроқ бўлса, ўша мусобақада ғолиб чиқиши мумкин. Мен шундай ҳисоблайман.

Италия Евродаги ғалабани узоқ кутди. Мен 2012 йилги финалда ютқазгандим. Одмасизлик серияси якунланади, деб умид қиламан», – деди Буффон.