Қаршининг «Насаф» клуби Туркиядаги ўқув-машғулот йиғинлари доирасида учинчи ўртоқлик учрашувини Нальчикнинг «Спартак» клубига қарши ўтказди.

«Спартак» клуби расмий сайти маълумотига кўра, учрашув 3:3 ҳисобидаги дуранг натижа билан якунига етган. Биринчи бўлимда Россия клубининг марказий ҳимоядаги хатоларидан унумли фойдаланган қашқадарёлик футболчилар 2:0 ҳисобида олдинга чиқиб олишган. Аммо ўйин якунига қадар ушбу устунликни сақлаб қолиш имкони бўлмаган.

Иккинчи бўлимда Малакян, Голич (пенальтидан) ва Балов томонидан киритилган голлар «Спартак» футболчиларига 3:3 ҳисобидаги дуранг натижани тақдим этди.

«Насаф» клуби матбуот хизмати вакили Эркин Холбобоев берган маълумотга кўра, «Насаф»нинг голлари Артур Геворкян (2 та) ва Илҳом Шомуродов ҳисобига ёзилган.

«Насаф» режага кўра яна тўртта ўртоқлик учрашувида майдонга тушиши керак. Украинанинг «Ворскла», Россиянинг «Металлург» (Новокузнецк), Болгариянинг «Миньер» ва Латвиянинг «Вентспилс» жамоалари Рўзиқул Бердиев шогирдларининг бўлажак рақибларидир.

Ўртоқлик учрашуви
НАСАФ – СПАРТАК (Нальчик) 3:3 (0:2)
Голлар: Артур Геворкян (2 та), Илҳом Шомуродов — Малакян, Голич, Балов.