«Catalunya Radio» нашрининг хабар беришича, «Барселона» ҳужумчиси Ансу Фати Каталония клубининг мавсумолди машғулотларини ўтказиб юборади.
Манбага кўра, испаниялик футболчи тиззасидан олган жароҳати туфайли тикланишни давом эттириш учун Мадриддаги спорт шифокори Хоакин Хуан назорати остида қолади.
Испания терма жамоаси ўйинчиси яна бир неча ҳафта Мадридда қолади ва бу унинг клуб билан йиғинга қатнашишига халақит беради.
Эслатиб ўтамиз, Фати 2020 йил ноябрь ойида тиззасидан жароҳат олган эди, шундан сўнг у тўрт марта операция қилинди.
Ўтган мавсумда ҳужумчи «кўк-анорранглилар» таркибида 10та ўйин ўтказиб, бешта гол ва тўртта голли пас беришни уддалаган.
