Аргентина терма жамоаси дарвозабони Эмилиано Мартинес бутун жамоа Лионелнинг орзуси учун ўйнаётганини таъкидлади.

Улардан биринчиси - Америка кубогини ютиш эди, бу амалга оширилди. Эндиги мақсад Қатардаги Жаҳон чемпионлиги бўлади.

«Мен Месси учун жонимни беришга тайёрман, у учун нариги дунёга боришга тайёрман. 4-5 ой олдин Лео менга Америка кубогини ютишга тайёрлигини айтганди. У терма жамоа учун қўлидан келган барча ишни амалга оширяпти. Энди биз ҳам унга жаҳон чемпионатида сидқидилдан ёрдам беришимиз керак», - дейди дарвозабон.

Эслатиб ўтамиз, Мартинес ўтган мавсумда «Астон Вилла» таркибида АПЛнинг энг яхши киперларидан бири бўлган эди. Бир йил олдин у «Арсенал»га Англия кубогини ютишида ёрдам берган.