Инсайдер Фабрицио Романо хабарига кўра, «Реал Мадрид» футболчиси Винисиус Жуниор ёзда жамоадан кетиш ҳақида ўйламаяпти.

Ўтган ҳафта мадридликлар бразилияликни «Манчестер Юнайтед»га таклиф қилгани, улар Килиан Мбаппени сотиб олиш учун пул топишга умид қилишаётгани айтилганди.

Аммо, «Реал» на «қизил иблислар», на бошқа бирор клуб билан музокара ўтказмаяпти.

21 ёшли футболчининг «Фламенго»дан трансфери 2018 йилда «қаймоқранглилар»га 45 миллион еврога тушганди.
Ўшандан бери Винисиус "Реал Мадрид" таркибида 118 учрашувда 14 та гол уришга эришган.