АҚШ ва Канада клублари иштирок этадиган MLS лигасининг сўнгги чемпиони «Лос-Анжелес Гэлакси» клубида тўп сурувчи Девид Бекхэм келажак билан боғлиқ режаларини эълон қилди.
Англиянинг «Hello» журналига интервью берган Бекхэм фаолиятини тугатгандан сўнг ҳам футболнинг ичида қолишини баён этди. Лекин бу орзусини мураббий ёки массажчи бўлиб эмас, АҚШдаги бирорта клубни сотиб олиш орқали амалга оширишини қўшимча қилди.
«АҚШда бирорта клубни сотиб олишим мумкин. Бунга қизиқишим баланд. Аммо ҳозир футбол ўйнаяпман, шу боис бу ҳақда батафсил гапиришимдан наф йўқ» дейди у. 37 ёшли футболчининг клуб билан яна 2 йиллик шартномаси бор.