«Интер» бош директори Жузеппе Маротта ҳужумчи Ромелу Лукаку «нерадзуррилар» сафини тарк этиши мумкинлиги ҳақидаги миш-мишларга жавоб қайтарди.
«Лукаку? У сотилмайди. У бу ёзда «Интер» ни тарк этмаслиги аниқ. Ромелу - жамоамизнинг асосий ўйинчиси», - дейди Маротта Mediaset нашрига берган изоҳида.
Лукакунинг Милан клуби билан шартномаси 2024 йил ёзига қадар амал қилади. Олдинроқ, Ромелунинг ўзи «Интер»ни яқин келажакда тарк этмаслигини бир неча бор таъкидлаган эди.