Ўзбекистон Суперлигасининг иккинчи даврасидан эътиборан, чемпионат мухлисларсиз ўтказилади. Бу ҳақида ЎзПФЛ матбуот хизмати хабар бермоқда.
«Мамлакат Соғлиқни сақлаш вазирлиги томонидан шу йил 5-июль санасидаги эълон қилинган Республика махсус комиссиясининг спорт турлари бўйича мусобақаларни мухлисларсиз ўтказиш бўйича қарори асосида Ўзбекистон Профессионал футбол лигаси томонидан ўтказиладиган барча футбол мусобақалари мухлисларсиз ўтказилади», деб айтилади Ўзбекистон Профессионал футбол лигаси тарқатган хабарда.
Эслатиб ўтамиз, Ўзбекистон Суперлигаси иккинчи давра баҳслари расман 30 июлдан бошланади.
