Лондоннинг «Вест Хем» клуби «Вест Бром» етакчиси Маттеус Перейрани сотиб олиш ниятида. Бу ҳақда журналист Экрем Конур хабар беради.
«Болғачилар» Перейрани узоқ вақтдан бери кузатиб келишмоқда ва уни Англия Премьер-лигаси янги мавсуми бошланишидан олдин Шарқий Лондонга кўчиб ўтишига ишонмоқдалар.
«Вест Хем» бош мураббийи Девид Мойес Перейрани Андрей Ярмоленконинг ўринбосари сифатида кўрмоқда. Украиналик футболчи аллақачон трансферга қўйилган.
Қўшимча қилиш мумкинки, «Вест Хем»дан ташқари «Лестер» ҳам Перейра харидига уриниб кўради.