«Челси»нинг ушбу ёздаги энг катта мақсади бўлган Эрлинг Холанд трансфери деярли амалга ошмайдиган бўлди. 21 ёшли ҳужумчи янги мавсумни ҳам Германияда ўтказиш ниятида. Лондон клуби норвегиялик учун 175 миллион евро таклиф қилиши ҳақида маълумотлар мавжуд, аммо «Дортмунд» буни қабул қилмаслиги деярли аниқ.
Клубнинг янги футболчиси Донел Мален «The Sun» нашрига шундай дейди: «Мен унга ҳужумда кўп ёрдам беришимни айтдим. Айтишим мумкинки, тез орада у билан бирга ўйнаймиз. У майдонда менга ва бутун жамоага ижобий энергия беради ва дастлабки дақиқаларданоқ голга бўлган интилишимизни оширади».