«Chelsi»ning ushbu yozdagi eng katta maqsadi bo‘lgan Erling Xoland transferi deyarli amalga oshmaydigan bo‘ldi. 21 yoshli hujumchi yangi mavsumni ham Germaniyada o‘tkazish niyatida. London klubi norvegiyalik uchun 175 million yevro taklif qilishi haqida ma’lumotlar mavjud, ammo «Dortmund» buni qabul qilmasligi deyarli aniq.
Klubning yangi futbolchisi Donel Malen «The Sun» nashriga shunday deydi: «Men unga hujumda ko‘p yordam berishimni aytdim. Aytishim mumkinki, tez orada u bilan birga o‘ynaymiz. U maydonda menga va butun jamoaga ijobiy energiya beradi va dastlabki daqiqalardanoq golga bo‘lgan intilishimizni oshiradi».
