«Челси» ўз ҳамшаҳар клублари қизиқиши пасайганлиги туфайли Абрахам нархини пасайтиради. Футболчига «Арсенал» ва «Вест Ҳем» қизиқиш билдирган эди. «Болғачилар» устози Девид Мойес инглиз форвардини Майкл Антониога муносиб тандем сифатида кўрмоқда. Бироқ «Вест Ҳем» унга белгиланган 40 миллион фунтни тўлашга қодир эмас.
«The Sun» нашрига кўра, ғарбий Лондон клуби футболчиси нархини 35 миллион фунтгача туширишга тайёргарлик кўрмоқда. Агар «Челси» шундай қилса, «Арсенал» ҳам курашга қўшилиб, икки Лондон клуби ўртасида Абрахам учун кимошди савдоси ўтказилиши ҳақида маълум қилинган.
