«Chelsi» o‘z hamshahar klublari qiziqishi pasayganligi tufayli Abraxam narxini pasaytiradi. Futbolchiga «Arsenal» va «Vest Hem» qiziqish bildirgan edi. «Bolg‘achilar» ustozi Devid Moyes ingliz forvardini Maykl Antonioga munosib tandem sifatida ko‘rmoqda. Biroq «Vest Hem» unga belgilangan 40 million funtni to‘lashga qodir emas.
«The Sun» nashriga ko‘ra, g‘arbiy London klubi futbolchisi narxini 35 million funtgacha tushirishga tayyorgarlik ko‘rmoqda. Agar «Chelsi» shunday qilsa, «Arsenal» ham kurashga qo‘shilib, ikki London klubi o‘rtasida Abraxam uchun kimoshdi savdosi o‘tkazilishi haqida ma’lum qilingan.
