2023 йилги U17 Осиё кубоги саралаш босқичи баҳсларига пухта тайёргарлик кўриш мақсадида Ўзбекистон U15 терма жамоаси Тошкент ва Душанбе шаҳарларида ўқув-машғулот йиғинларини олиб боради.

Бош мураббий Сервер Жепаров қўл остидаги ўсмирлар терма жамоамиз бугун пойтахтимиздаги «Чиғатой» стадионида машғулотларни бошлайди ва 9 август санасида Тожикистонга йўл олади.

Ўсмирларимиз 9-14 август кунлари Душанбе шаҳрида ташкил этиладиган йиғин давомида Тожикистон U15 терма жамоаси билан иккита халқаро ўртоқлик учрашуви ўтказади.

Мазкур ўртоқлик ўйинлари 11 ва 13 август кунлари Душанбедаги “Республика Марказий” стадионида бўлиб ўтади. Баҳслар юртимиз вақти билан соат 19.30 да старт олади.

Халқаро ўртоқлик учрашувлари

11.08.2021
19.30 | Тожикистон U15 – Ўзбекистон U15

13.08.2021
19.30 | Тожикистон U15 – Ўзбекистон U15