Ўзбекистон Профессионал футбол лигаси одатга кўра, ҳар ой Coca-Cola Суперлиганинг энг яхши мураббийи ва футболчиси, шунингдек, энг чиройли голини аниқлаб келмоқда. Ортда қолган июль ойида Суперлигада 2 та тур баҳслари ва қолдирилган учрашув бўлиб ўтди. Мазкур беллашувлар давомида кўплаб футболчи ва мураббийлар ўзларини кўрсатишга эришди.

Июль ойининг энг яхши мураббийи бўлиш учун номзодлар

Рўзиқул Бердиев (“Насаф”) – 3 ўйин, 2 ғалаба, 1 мағлубият

Ҳамиджон Актамов (“Қизилқум”) – 2 ўйин, 2 ғалаба

Питер Хюистра (“Пахтакор”) – 2 ўйин, 2 ғалаба

Июль ойининг энг яхши футболчиси бўлиш учун номзодлар

Азизбек Амонов (“Локомотив”) – 2 ўйин, 3 гол

Драган Черан (“Пахтакор”) – 2 ўйин, 2 гол

Элгужа Григалашвили (“Қизилқум”) – 2 ўйин, 2 гол

Фарруҳ Икромов (“Бунёдкор”) – 2 ўйин, 2 гол

Иброҳим Томива (“Бунёдкор”) – 2 ўйин, 2 гол

Июль ойининг энг чиройли голига номзодлар

Фарруҳ Икромов (“Сурхон” – “Бунёдкор” учрашувида киритган биринчи голи)

Эркин Байдуллаев (“Қизилқум” – “Машъал”)

Иброҳим Томива (“Сурхон” – “Бунёдкор” учрашувида киритган иккинчи голи)

Азимжон Аҳмедов (“Қўқон-1912” – “Навбаҳор”)

Павел Забелин (“Андижон” – “Турон”)

Оквара Годвин (“Машъал” – “Сурхон”)

Мате Ватсадзе (“Металлург” – “Қизилқум”)

Элгужа Григалашвили (“Металлург” – “Қизилқум”).

Эслатиб ўтамиз, овоз бериш жараёнида Coca-Cola Суперлига клублари бош мураббийлари ва сардорлари ҳамда мухлислар иштирок этишади. Coca-Cola Суперлиганинг 14 клуби бош мураббийлари ҳамда сардорлари кўрсатилган номзодларни учталикка жойлаштириб чиқади. Дастлабки ўринда кўрсатилган номзод 3, мос равишда кейинги икки ўриндагилар 2 ва 1 очколик бўлади. ЎзПФЛ томонидан футбол мухлислари ўртасида ўтказилган сўровнома натижаси эса мураббий ва сардорлар ўртасида ўтказилган сўровнома натижаларига қўшилади. Бунда мухлислар овози катта аҳамиятга эга бўлиб, биринчи ўринни эгаллаган номзод 6, мос равишда кейингилар 4 ва 2 очкодан қўлга киритади. Якунда энг кўп балл тўплаганлар ойнинг энг яхшилари сифатида эътироф этилади. Мазкур ҳавола орқали июль ойининг энг яхшиларини аниқлаш жараёнида иштирок этиш имкониятига эгасиз.