«Барселона»нинг харид қилинган янги ҳимоячиси Эмерсон Рояль Лионел Месси билан бирга ўйнаш ҳақидаги фикрлари билан ўртоқлашди.

«Мессига қаршилик кўрсатишнинг иложи йўқ, албатта у агар у яхши формада бўлса. Лео дунёнинг энг зўри. Агар сиз бир дақиқага чалғиб қолсангиз бас, у муаммо туғдира бошлайди. Мен доим у билан ўйинларда ютқазганман.

Унга ютқазмасликнинг биргина йўли бор, унинг учун сен Лео билан бир жамоада тўп тепишингга тўғри келади. 

Америка Кубоги финалидаги Бразилиянинг мағлубиятидан хафа бўлдим, лекин Месси бу совринни қўлга киритганидан хурсандман, у бунга кўпроқ ҳақлироқ эди», - дейди Эмерсон AS нашрига берган интервьюсида.