"РБ Лейпциг" ярим ҳимоячиси Марсель Забитцер "Бавария" қизиқишлари доирасига тушиб қолди.
Трансфермаркет нашри хабарига кўра, мюнхенликлар клуби 27 ёшли австриялик учун 18 миллион евро тўлашга тайёр, бундан ташқари бонуслар ҳам бор.
Қайд этилишича, "РБ Лейпциг" "Бавария" шартларига рози бўлиши мумкин, чунки футболчининг шартномаси кейинги ёзда якунига етади.
Забитцер 2015 йилдан буён "РБ Лейпциг"да ўйнайди. Ўтган мавсумда футболчи 39 ўйинда 9 гол ва 6 голли узатма муаллифи бўлган.