Расмий равишда Юрий Семин «Ростов» бош мураббийига айланди.
Клуб твиттерида ёзилишича, 74 ёшли мутахассис билан икки йиллик шартнома имзоланган. Семиннинг ёрдамчилари «Ротор» собиқ мураббийи Юрий Батуренко ва «Ростов» дарвозабонлар мураббийи Виталий Кафанов бўлади.
«Биз Юрий Павловични клубимизда кўрганимиздан хурсандмиз ва унга жамоа бошқарувида муваффақиятли ишлашини тилаб қоламиз!» - дейилади клуб матбуот хизматида.
Маълумот учун, Семиннинг охирги клуби «Локомотив» бўлиб, у бу ерни 2020 йил май ойида тарк этган эди.
