Аввал хабар берганимиздек, «Астон Вилла»дан «Ман Сити»га кўчиб ўтган Жек Грилиш 10-рақам билан жамоа шарафини ҳимоя қилади.

У янги жамоасидаги илк фикрлари билан ўртоқлашди.

«Мен «Манчестер Сити»га келиб қўшилганимдан жуда хурсандман. Бу Англиянинг энг яхши жамоаси, дунёдаги энг яхши мураббий билан ҳаракатланади. Бу клубга ўтиш шунчаки орзудек туюлиши мумкин.

Улар сўнгги 10 мавсумда доимий равишда асосий совринларни қўлга киритишди. Манчестерга келган Гвардиола жамоани кейинги босқичга олиб чиқди.

«Сити» қураётган футбол Европадаги энг ҳаяжонли футбол. Пеп бошчилигида ўйнаш ва янги нарса ўрганиш - ҳар қандай футболчи истаган орзу бўлса керак.

Мен, очиғини айтганда, тезроқ киришиб олиш ва ҳамма билан танишишни, дебют ўйинимни ўтказишни сабрсизлик билан кутяпман», - дея Грилишнинг сўзларини келтиради клуб матбуот хизмати.