Англия премьер-лигасининг 25-тур учрашувлари бугун ниҳоясига етди. Куннинг марказий учрашуви Бирмингемдаги “Вилла Парк” стадионида бўлиб ўтди.

Мамлакат чемпионатида пешқадамлик қилиб келаётган “Манчестер Сити” ҳамшаҳарларининг кечаги ғалабсидан сўнг вақтинчалик биринчи ўринни бўшатиб туришга мажбур бўлишганди. Бир кун ўтиб Манчини шогирдлари яна ўз ўринларига қайтишди.

Учрашувни киритилган ягона голга “шаҳарликлар”нинг марказий ҳимоячиси Жолеон Лескотт муаллифлик қилди. Бурчакдан ошириб берилган тўпни Бэрри жарима майдони ичида турган Лескоттга етказиб берди. Англия терма жамоаси эса кучли зарба билан Шей Гивен дарвозасини аниқ нишонга олди.

Шунингдек, бугун “Вулверхэмптон” ўз уйида “Вест Бромвич”ни қабул қилиб йирик ҳисобда имкониятни бой бериб қўйди. “Вест Бромвич”нинг бизга таниш бўлган ҳужумчиси Питер Одемвинги учрашув қаҳрамонига айланди. Нигериялик футболчи хет-трекка эришган ҳолда жамоаси ғалабасига муносиб ҳисса қўшди.

АНГЛИЯ ПРЕМЬЕР-ЛИГАСИ
25-ТУР
АСТОН ВИЛЛА – МАНЧЕСТЕР СИТИ – 0:1 (0:0)
Гол: Лескотт (63).
АСТОН ВИЛЛА: Гивен, Куэльяр, Коллинз, Р. Данн (Бейкер, 90), Хаттон, Олбрайтон (Айрленд, 78), Гарднер, Ст. Петров, Роб. Кин, Хески (Н’зогбия, 69), Бент.
МАНЧЕСТЕР СИТИ: Жо Ҳарт, Сабалета, Компани, Лескотт, Коларов, Н. де Йонг, Бэрри, Милнер, Сильва (Ричардс, 90), Жонсон (Насри, 84), Агуэро (Джеко, 89).
Огоҳлантиришлар: Ст. Петров (62), Р. Данн (68), Нзогбия (88).

ВУЛВЕРХЭМПТОН – ВЕСТ БРОМВИЧ – 1:5 (1:1)
Голлар: Ст. Флетчер (45) – Одемвинги (34, 77, 88), Ольссон (64), Эндрюс (85).