"Реал" ярим ҳимоячиси Эден Азар жароҳатини даволашда давом этмоқда, деб хабар беради Mundo Deportivo нашри. Маълум қилинишича, футболчи майдонга муддатидан олдин қайтиши мумкин.
Энди футболчи индивидуал дастур билан шуғулланади ва 14 августда умумий гуруҳда
машғулотларни бошлаши мумкин. Клуб бельгиялик футболчининг тайёргарлигини тезлаштирмоқчи эмас ва унга кўпроқ вақт бериш ниятида.
Эслатиб ўтамиз, Азар 2019 йилда "Челси"дан 105 миллион евро эвазига "Реал"га ўтган эди. Бу вақт ичида у атиги 43 та ўйинда майдонга тушиб, 5 та гол урди ва 8 та голли узатмани амалга оширди.
