"Real" yarim himoyachisi Eden Azar jarohatini davolashda davom etmoqda, deb xabar beradi Mundo Deportivo nashri. Ma’lum qilinishicha, futbolchi maydonga muddatidan oldin qaytishi mumkin.

Endi futbolchi individual dastur bilan shug‘ullanadi va 14 avgustda umumiy guruhda
mashg‘ulotlarni boshlashi mumkin. Klub belgiyalik futbolchining tayyorgarligini tezlashtirmoqchi emas va unga ko‘proq vaqt berish niyatida.

Eslatib o‘tamiz, Azar 2019 yilda "Chelsi"dan 105 million yevro evaziga "Real"ga o‘tgan edi. Bu vaqt ichida u atigi 43 ta o‘yinda maydonga tushib, 5 ta gol urdi va 8 ta golli uzatmani amalga oshirdi.