«Челси» футболчиси ва Германия терма жамоаси аъзоси Каи Ҳавертз нима учун 29 рақам остида тўп суриши ҳақида гапирди. У «The Athletic» нашри билан суҳбатда бу ҳақда шундай дейди:

«Биз доимо ўйинда бўламиз. Менда илгари 10- рақам, олтин бутса ва шунга ўхшаш нарсалар ҳам бўлган. Менинг акам эса доимо футболкаси орқасига 29-рақам туширилган либосда юрарди. Профессионал футболга қадам қўйгач, «Леверкузен» клуби билан шартнома имзоладим. Улар мендан қайси рақамда ўйнашимни сўрашди, мен эса қайси рақам бўшлигини сўрадим. Шунда улар 29-рақам ҳеч кимга тегишли эмаслигини айтишди. Мен эса ҳеч иккиланмасдан бу рақамни олдим. Чунки акам шу рақамни жуда яхши кўрарди. Бу рақам мен учун жуда азиз ва омадли».

Эслатиб ўтамиз, 22 ёшли немис футболчиси 2020 йил «Леверкузен» клубидан 80 миллион евро эвазига харид қилинган эди.