«Барселона»нинг франциялик ҳужумчиси Антуан Гризманн Каталония клубини тарк этган Лионель Месси билан хайрлашди.
«Мен сенга ҳар бир футбол мухлиси айта оладиган ягона нарсани айтмоқчиман — барчаси учун катта раҳмат!
«Барселона»да қилган барча ишларинг учун ташаккур! Шаҳар учун ҳам, клуб учун ҳам. Сен ҳамма нарсани ўзгартира олдинг!
Ишончим комилки, бу хайрлашиш эмас ва кейинроқ кўришиш учун имконият бўлади. «Барселона» билан йўлларинг яна кесишишига ишонаман.
Сенга ва оилангга бахт тилайман. Жуда кам одам Месси бўлиш қандайлигини ҳис қила олади. Бу қийин ва сен менга ҳар жиҳатдан ўрнак бўлдинг», - деб ёзади Гризманн ўз Инстаграмида.
