«Манчестер Юнайтед» лагерида коронавирус билан касалланиш ҳолати қайд этилди. Бу ҳақда «қизил иблислар» матбуот хизмати хабар беради.

«Манкунианлар» ҳужумчиси Жесси Лингард коронавирус учун ижобий тестдан ўтган. Шу сабабли футболчи дарҳол изоляцияга олинган. Катта эҳтимол билан у Англия Премьер-лигасининг янги мавсум стартини ўтказиб юборади.

Маълумот учун, Англия чемпионатининг биринчи турида «манкунианлар» «Лидс» билан учрашади. Баҳс 14 август куни «Олд Траффорд»да бўлиб ўтади.

Эслатиб ўтамиз, Лингард ўтган мавсумнинг иккинчи ярмида «Вест Хем»да ижара асосида ўйнади. У 16 та ўйинда майдонга тушиб, 9 та гол урди ва 4 та голли узатмани амалга оширди.