«Тоттенхем» ҳужумчиси Ҳарри Кейн учун 120 миллион фунт яна 20 миллионлик қўшимча бонуслар таклиф этилса, «Сити» билан музокараларга киришиши мумкин. Бу ҳақда «Daily Star» нашри хабар берди.
Унга кўра, футболчи учун белгиланаётган нарх «шаҳарликлар»нинг ЙЧЛ финалига чиққани ҳамда АПЛ чемпиони бўлганига қараб белгиланган. Шунингдек, 28 ёшли ҳужумчи Алан Ширернинг АПЛ рекордини «Сити» футболчиси сифатида янгилай олса, «шпорлар» яна бонусларга эга бўлиши кўзда тутилади.
Клуб раиси Даниел Леви рекорд даражадаги шартнома ҳақида келишувга эришмагунча, Кейнни сотишга рухсат бермаслигини айтган. Аввалроқ Кейн учун таклиф қилинган 100 миллион фунтлик таклифи рад этилгани ҳақида хабар қилинган эди.
