«Tottenxem» hujumchisi Harri Keyn uchun 120 million funt yana 20 millionlik qo‘shimcha bonuslar taklif etilsa, «Siti» bilan muzokaralarga kirishishi mumkin. Bu haqda «Daily Star» nashri xabar berdi.
Unga ko‘ra, futbolchi uchun belgilanayotgan narx «shaharliklar»ning YCHL finaliga chiqqani hamda APL chempioni bo‘lganiga qarab belgilangan. Shuningdek, 28 yoshli hujumchi Alan Shirerning APL rekordini «Siti» futbolchisi sifatida yangilay olsa, «shporlar» yana bonuslarga ega bo‘lishi ko‘zda tutiladi.
Klub raisi Daniyel Levi rekord darajadagi shartnoma haqida kelishuvga erishmaguncha, Keynni sotishga ruxsat bermasligini aytgan. Avvalroq Keyn uchun taklif qilingan 100 million funtlik taklifi rad etilgani haqida xabar qilingan edi.