Хабарингиз бор, “Нефтчи” жамоаси ОЧЛ плей-оффида Дубайнинг “Ал Шабаб” жамоасига қарши майдонга тушади.  15 февраль санасида Юрий Саркисян бошчилигидаги 19 нафар футболчи Тошкент – Шаржа йўналиши бўйича БААга учиб кетади. Бу ҳақда клуб расмий сайти хабар бермоқда.

Ушбу учрашувга жамоа бош мураббийи Юрий Саркисян қуйидаги футболчилар хизматидан фойдаланишга қарор қилди:

Дарвозабонлар: Ҳислат Чилматов, Фаррух Турдалиев.
Ҳимоячилар: Шукур Пўлатов, Ойбек Нурбоев, Дилёрбек Эрматов, Фахриддин Холмуродов, Насим Шоимов, Муҳсин Низомиддинов, Иқбол Бобохонов.
Ярим ҳимоячилар: Мансур Саидов, Иқбол Акрамов, Азиз Алижонов, Сардорбек Соибов, Бахтиёр Ёқубов.
Ҳужумчилар: Сардор Мирзаев, Анвар Бердиев, Отабек Исроилов, Темур Исломов, Шерзод Ҳакимов.

Фарғоналиклар бугун Тошкентга етиб келишлари кўзда тутилган.Агар об-ҳаво яхши бўлса жамоа “НБУ-Осиё” жамоаси билан ўртоқлик учрашувида майдонга тушиши мумкин бўлади. Акси бўлса у ҳолда жамоа енгил машғулотлар билан чекланади. Бир кун ўтиб 14 февраль санасида эса “Нефтчи” футболчилари тиббий кўрикдан ўтади.