«Интер» ҳужум чизиғини тўлиқ янгилашга тайёр.

Ромелу Лукакуни сотиш ортидан Лаутаро Мартинес ҳам катта эҳтимол кетади. Италия матбуоти хабарига кўра, «Тоттенхем» ҳужумчи томон жиддий қадам ташламоқда.

Иккинчи даъвогар - «Атлетико». Мадридликлар футболчи учун 80 миллион евро тўлашга тайёрлар. «Шпорлар» эса бундан ҳам кўпроқ пул тўлашлари мумкинлигини таъкидлашди, лекин бу ерда кўп нарса футболчига боғлиқ бўлади.

Қизиғи шундаки, 8-август куни Лаутаро «Парма»га қарши ўртоқлик учрашувини ўтказган (2:0). Бу эса футболчининг клубда қолиш вариантини ҳам англатмоқда.