"Интер" "Аталанта" ҳужумчиси Дуван Сапатани сотиб олишга яқин турибди, деб хабар бермоқда SportMediaset нашри. Милан клуби 30 ёшли колумбиялик футболчини "Челси"га ўтадиган Ромелу Лукакуга ўринбосар сифатида кўриб чиқмоқда.
Қайд этилишича, "Интер"да Колумбия терма жамоаси футболчисининг трансферини якунлаш учун бир нечта тафсилотлар қолган. Трансфермаркет портали футболчининг қийматини 33 миллион еврога баҳоламоқда.
2020/21 йилги мавсумда Сапата барча турнирларда 49 та ўйинда майдонга тушиб, 19 та гол урди ва 14 та голли узатмани амалга оширди.
Эслатиб ўтамиз, "Интер" ўтган ёзда Сапата билан қизиққан эди. Аммо, кейинчалик трансфер амалга ошмаган.
