"Inter" "Atalanta" hujumchisi Duvan Sapatani sotib olishga yaqin turibdi, deb xabar bermoqda SportMediaset nashri. Milan klubi 30 yoshli kolumbiyalik futbolchini "Chelsi"ga o‘tadigan Romelu Lukakuga o‘rinbosar sifatida ko‘rib chiqmoqda.

Qayd etilishicha, "Inter"da Kolumbiya terma jamoasi futbolchisining transferini yakunlash uchun bir nechta tafsilotlar qolgan. Transfermarket portali futbolchining qiymatini 33 million yevroga baholamoqda.

2020/21 yilgi mavsumda Sapata barcha turnirlarda 49 ta o‘yinda maydonga tushib, 19 ta gol urdi va 14 ta golli uzatmani amalga oshirdi.

Eslatib o‘tamiz, "Inter" o‘tgan yozda Sapata bilan qiziqqan edi. Ammo, keyinchalik transfer amalga oshmagan.