Ўзбекистон Профeссионал футбол лигаси раҳбарияти прожекторлари талабга жавоб бермайдиган клубларга нисбатан санкцияларни кучайтиришни маълум қилди. Бу ҳақида ПФЛ матбуот хизмати хаюар бермоқда.
"ЎзПФЛ тарихда илк бор чемпионат учрашувларини ёзнинг чилласида 20:00 дан эрта
бошламасликка эришди. Бу биринчи галда майдонда тер тўкаётган футболчиларга нисбатан
енгиллик яратади ва уларни иссиқ қуёш нуридан ҳимоя қилади. Шунингдек, футбол мухлисларига
учрашувларни бевосита стадиондан кузатиб боришда енгилликлар яратиб беради.
Coca-Cola Суперлиганинг прожектор масаласида муаммолари бор клубларга нисбатан қўлланилган
биринчи санкция кузга қадар якунига етади. 2022-йилдан бошлаб эса иккинчи санкция ишга
тушади. Яъни, келаси мавсумдан бошлаб прожектори минимал талабларга жавоб бермайдиган
Суперлига клублари йилнинг исталган даврида ўз майдонида учрашув ўтказиш имкониятидан
маҳрум этилади", - дейилади хабарда.
